منتدى بسمة أمل فلسطين
مرحب بزوار منتدانا الكرام ..يشرفنا ويسعدنا اختي واخي ان تسجل معنا ..تفيدنا مما وهبك الله من علم ومعرفه املين ان تفيدنا وتستفيد
اهلا ومرحبا بكم
المدير:
صابر الحاج محمود
اليامون


.

منتدى بسمة أمل فلسطين

تخليد ذكرى الشهداء- ادب - شعر - خواطر- تراث-احداث-تاريخ -مجتمع-ثقافه -ابداع-حكايات فلسطين حكايات عربيه.
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 زجل لبناني...حفلة جمعت الشاعرين محمد المصطفى (السيد) وزين شعيب, وكان موضوع التحدي (الأخذ والرد).

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صابر عباهره
المدير العام
المدير العام
avatar

ذكر عدد الرسائل : 2011
الموقع : منتدى شهداء اليامون .. وكل فلسطين ..شهداء الحق من اجل الحريه
المزاج : صافي وذلك الفضل من الله
تاريخ التسجيل : 26/10/2008

مُساهمةموضوع: زجل لبناني...حفلة جمعت الشاعرين محمد المصطفى (السيد) وزين شعيب, وكان موضوع التحدي (الأخذ والرد).    الثلاثاء نوفمبر 29, 2011 6:45 pm

حفلة كفرحيم

حفلة جمعت الشاعرين محمد المصطفى (السيد) وزين شعيب, وكان موضوع التحدي

(الأخذ والرد).

محمد السيد

هلا بالمجتمع بيضو وسمرو شهر بالمعمعه بيضو وسمرو

ناس بيسكرو عخمر اشقر أنا قلبي لقى الجمهور خمرو

شفت يا "سينما " كرمك مشجر شجر إخلاص ومشنشل بثمرو

ثمر ناضج على الكرسي بيسهر جمع من موسم الأفكار غمرو

مضى نيسان حامل حلم أخضر بيوت النحل منهاالشهر عمرو

ندا نوار يحمل شال أصفر غصب عنة لأنو تحت أمرو

رجع "بالاوبرا" هلل وكبر ندم عما فعل يكويه جمرو

إذا بنيسان أخر سبت ختير بوجوه النيرة وهيك حفله

رجع يزهي كأول يوم عمرو

****************

بعد ما زين عالمنبر خضعلي ختملي بصمة كفوفو طبعلي

ما بستقرض إسم حنا وأحمد إذا ما الفعل من إصلي وفعلي

البعض يحكي علىالسيد محمد إلو في ظلمة الأديان شعلي

يشق الدرب يمشي بكل مقصد تإركعلو مطول ما ركعلي

بصلي بصوم بعبد رب يعبد عبادة حق رشوه ما إندفعلي

يا ربي شو عملت تالحظ أبعد وأنا بوادي القداسه خلعت نعلي

بعد عني السعد ما كنت إسعد وإلي في كل وقت غضبه وزعلي

ونجمة بوذنب في ليل أسود بتطلع في السنه مره ع مره

ومعاها زين بالسحبه طلعلي

****************

أنا مجبور كل شاعر مسافر معو سافر وإطعم زاد وافر

شو جابرني وإلي دنيا وسيعه عنجم سهيل ما إبحش محافر

أنا المحقوق قسيت الطبيعه على الشعار صفى القلب نافر

وإذا لينت هالنفس الوديعه يلوموني ويشوفو الخصم ضافر

على الحالين في أي وقيعه صرت منصاب في الحظ كافر

بعد ما بكون قائد في الطليعه بجي جندي مع جنود المخافر

بإي مذهب وإي شريعه غزالة شعرنا محك الأضافر

بعد مابهالدني القمه المنيعه وبالغابات كتفت العذافر

دبوني بوديان الشنيعه يا الله ذنبهم لا تكون غافر

لوما تهبط القمه الرفيعه على سفح الجبل ما مر مهري

عظهر الغيم دعاس الحوافر

*****************

ت عاشر مدعي مالي سلاطه مسمك جبهتو من لوح لاطه

إذا من مدفعي كلمه بفجر جبل صنين خيطو خياطه

إذا ال مثلك بقي قلبو محجر عليي وانجلق يعمل بلاطه

بعجرم خلقتو الحقله مشجر يا خشبه تحت جاوزر الخراطه

جايي مجعلص وعينك مفنجر ساعه إدعى ساعه بساطه

شو فكرك نعملك "هنري كيسنجر" مع ولاد الزجل تعمل وساطه

حرام الشوم عقلك روح نجر عقد مليان أقسى من البلاطه

إذا من طابقو بدك تأجر فيك تنفدو بعمله قديمه

ببرغوثين ونحاسه فراطه

***************

عليي تأمرت بالشعر عصبي تتبعثلي بطل خيال قصبي

أنا حصان الزمان بكل مشهد العصي أمري ما بأكل غير قصبي

الله بيشهد وفعلي بيشهد الدهر خوان متآمر عغصبي

جعلت بقوتي أضعف وأزهد من البرغش تحت مداق حصبي

زرعت المرجلي في كل معهد أرض جدبه بدم الشوس خصبي

بعد ما بينت أقدر وأجهد من الدهر ال أكل من ثمر نصبي

قصد عزمي طريق الغاب مهد اللبوة حلبتها سرقه ونصبي

قشعني بعلها السبع وتنهد شلخت الليل عن جبهة سنينو

ولزقتو ععيون السبع عصبي

****************

إنتبه مظبوط لا تفشي بسرك أنا رح بعمل الشئ ال بسرك

بعد ما بقطعك رح جيب قفي فيها كوم عظامك وسرك

قفي خمرك من ال وج قفي يا هاوي كل شئ بالكون ضرك

ما فيك القافيه مثلي تقفي ولا زوجنا الشعر تيصر ضرك

ولا فيي إجرمك علوح دفي ولا محتاج إحسانك وبرك

لأنو ثوب عيره ما يدفي وجمل حقد العدى حرك وبرك

وإذا شعري رقص عخش دفي خزنت الدر في بحرك وبرك

البحر والبر ملكي وما بلفي حدى ولا عازتي بحلوك ومرك

وقبل ما خلقت طالعت بملفي عإسمي كل إشئ غالي ت مرك

حرام المثلك يصفي بصفي ويجي عمركز الغالي مزرك

إذا بمصفايتي حبيت صفي قبل ما حدك بصوتك وزرك

بلاقي تجرتك مش رح توفي يا جايي عالسبق مفكوك زرك

بكفي بهوره فنك بكفي فقس من بزرتك خولك وشرك

بزر جرجير ما بزينك بكفي مهما عصرك ّبدي وشرك

إذا كنك جبل شلتك بكفي عجنتك عجن في نحسك وشرك

وشلحتك عالودا شلحه بخفي تزعت الأرض يبس العشب فيها

محل الكف ما زتك وورك

***************

زين شعيب أبو علي

صباح الخير يا أستاذ سيدي مساك مبارك وليله سعيدي

سألنا لك يا سيد كيف حالك إن شاءالله بعدها الهمه شديدي

سنه صرلي ما شفتك شو جرالك المسافه بينا منها بعيدي

أنا مشتاق عهيبة كمالك مثل شوق المناجل للحصيدي

إعتدنا عليك عبركة فضالك على إسمك على السمعه الحميدي

ما عدنا نقدر نربي بدالك العتيقه كثير أحلى من الجديدي

يا سيدنا سمعت" بو زيد " خالك الخبر مظبوط يما مش أكيدي

بقولو كم عنتر من رجالك من اللي بيخدمو القصر الرشيدي

بقولو النسر بالجو إنحنالك قبل ما تقوسو بيسقط طريدي

بقولو النمر ما بقرب مجالك ولا بيظهر بوثباتو العنيدي

شهر بظل يرجف من خيالك إن قشع رسمك على شقفة جريدي

على المسرح صعب يثبت قبالك حدا بهالعصر يا عصر المجيدي

إلا إن عاد "شوقي" وبجمالك إن فتن بجوز ينظملو قصيدي

لانك سبع إسمك رأسمالك زئيرك فلسفه وشعرك عقيدي

لكن يا سبع لا تشوف حالك عللي بخنصرو بيطوي الحديدي

المثل عنك حكي كلمه وومالك تعى إسمعها مضره مش مفيدي

إنحني وكتف يمينك في شمالك كل سبع في إلو جنزير ماكن

وإنت يا سبع جنزيرك في إيدي

*****************

أنا من بعد ما فضيت بالي من ال قالو وبقولو أرتجالي

سلاطين الكذب لبست كفنها وتركت ال خاصموني تراب بالي

وتركت تذكره مفقود منها الأسم والجسم والشعر الخيالي

لا بطرس كان راضي ولا حسنها تجي مع بو علي تعيد الليالي

رجعت شديت للمهره رسنها بوجه خيال أضعف من خيالي

وعنجمة بو ذنب فتشت عنها وقطعتك بدل امضايئ لحتى

إذا غنيت ما غني لحالي

**************

يا سيد حاسبك خيي ومني وأنا منك إذا صح التمني

التعصب بالطوائف ما بريدو إن حكيت الحق ما بخيب ظني

أنا هالكون أكبر من عبيدو وأصغر من آلهو اللي أمتحني

السيد خلق للشعر سيدو ولا كل من فتح نيعو يغني

بسنة الماضيه المنبر عميدو حضر حفله وما كان الفن فني

إسمعت كلمه إنخجل ساعي بريدو إن دخل عالأن فيها ما يأني

بديك مشحم ملحم حديدو إفتكرتو بتربحو طني ورني

إستحو وهالحكي قصولو وريدو العطوكن درسهم مش هيك هني

أنا حبيت هالمشوار عيدو معك مش عن تسرع عن تأني

لأجل البهدلي الشعر بقصيدو قبل ما يفهم المنبر تعني

يا سيد بعد ما زرعك حصيدو فرفط غمر أحمر غمر بني

رجعت هالبنك ردلو رصيدو تردك للسيادي ال كنت فيها

وشيل البهدلي عنك وعني

***************

يا سيد سيفك المسموم سلو إذا بتقدر بدم شعيب بلو

البشر لو ذيبها بيغدر غنمها بلسان الشرع شو فينا نقلو

قبلك إبن ملجم ما لجمها لنفسو عند ما الشيطان دلو

إجا بوقت الصلا الفرصه إغتنمها قتل يللي وراه الجن صلو

أنا مثلك من الجنوب ال حرمها الظلم لما رجال الخير قلو

عند ما بديت تثبت قدمها رجع جوهر أملها عمحلو

يا سيد يا بن عيله بحترمها كرامة سيد المطران جلو

موسى الصدر للشيعه علمها وأنا شعري علم لبنان كلو

********



.

_________________
..
( اذا تحول كل شيء ضدك وظل الله معك
فكن مع الله ولا تبالي يكن كل شيء معك )).

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abosamer1953.yoo7.com
صابر عباهره
المدير العام
المدير العام
avatar

ذكر عدد الرسائل : 2011
الموقع : منتدى شهداء اليامون .. وكل فلسطين ..شهداء الحق من اجل الحريه
المزاج : صافي وذلك الفضل من الله
تاريخ التسجيل : 26/10/2008

مُساهمةموضوع: رد: زجل لبناني...حفلة جمعت الشاعرين محمد المصطفى (السيد) وزين شعيب, وكان موضوع التحدي (الأخذ والرد).    الثلاثاء نوفمبر 29, 2011 7:11 pm

حفلة عين سعادة

الأفتتاحيات

طليع:

سلام عليك يا ليل التجلي يا لابس ظل أبيض مثل ظل

بعتم ال فيك نورك صار ينزل كأنو البدر نازل بالمظلي

سمع تلة عم تقلو تفضل ووادي عم يقلو طل طلي

إن ربط زنار ع الخصر المدلل وهدي ما بين وادي وبين تلي

وع مهلو بعد ما فيي تأمل إبتسم بسمه وبهمس النور قلي

إشتقنا للصلى الروحي لا تبخل بلش يا طليع حمدان صلي

وأنا بلشت صلي بطهر جدول بتجي منو الفراشه تتملي

صلاتي للغزلنا بفرد مغزل يجمعنا خيوط بفرد شلي

صلاتي يا إله الكون تقبل ت كل ولادنا إلنا تخلي

ما تبكي إم عشتله بمشتل ما يعطش طفل ما يشعر بقلي

ويمكن يذبل المجد المكلل بحفيف الغار ع جبين ال معلي

وزجل لبنان مش معقول يذبل الوزير حبيش غامرنا تملي

ودخيلو جيش لبنان المأصل إللي عصدرو السما بتنحط فلي

حضن بجوانبو مقاتل إستبسل وسوا صاحو يا إسرائيل فلي

العدا بتفل من معقل لمعقل اليأس بفل من مله لملي

الجمر بفل من منقل لمنقل الوجع بفل من عله لعلي

الغدر بفل من معزل لمعزل الظلم بفل من زله لزلي

الخطر بفل من منزل لمنزل العهد بفل من حاكم لحاكم

وإحنا ما لنا من هون فلي

**************

أنا يا ريت عمري جرح قاني بينضب عضفاف الحاصباني

ومعو بسافر نغم بالشوق مفعم تإنزل ع البساتين الملاني

وتبأخذني بلهفة عطر نسم ع جسر القاسميه البرتقاني

أماني للجنوب ال ما إستسلم جنوب العز يبصون الأماني

ويا عيني يا بقاع بكل موسم خضارك شرشفك وعليك حاني

تحت الشرشف مواسم بتطعم وفوق الشرشف مواسم غناني

ويا روحي يا شمالي ال عشت ملهم يا جبراني غني الكون وغناني

يا سحر العشتروت ال فيك علم يا حبي الأدونيس الأولاني

بحر بيروت يا عاشق متيم وعروس الشرق بيروت المصاني

ومواجك على الشاطئ المحمم فساتين العرائس بالتهاني

وجبلنا من جبال الكون أعظم ما بدو غبر وحدتنا ضماني

لا المتني بلا الشوفي بيسلم ولا الشوفي بدون الكسرواني

تعو ت أولادنا الأطفال نرحم تعو نعلمهم بصف الحضاني

جبلنا بيتنا وكل طفل بفهم إذا البيت إنفقد مدماك منو

الخطر ببلش بمدماك ثاني

***************

يا" لامون سال" بالفكر المثالي حروفك نور وكتابك عدالي

إنت معلمه الحرف المذهب وأنا شاعر معلم شعر غالي

علمت الندي تيصير أطيب عثم الزهر يكتبلي مقالي

علمت النهر تيصير أعذب الموسيقى وصار يعزف إرتجالي

علمت الطفل ع الشط يلعب لعبة لا مبالي بلا مبالي

تصار الشط بالطفل المشوب عطر عم يغرق ولؤلؤ يلالي

أنا هيدا كلامي ال ما بينضب بكلام رخيص ما بنقص كمالي

الفخر والعز والعزم المشبشب إجو ع الأرض لوحه من خيالي

وعلينا من بعد ما الشعر سرسب ندا موسى وطليع من الأعالي

إلتقينا ولو إتاخرنا لا يعتب نطرنا ت إستوينا ع الدوالي

يا موسى اليوم صرنا بفرد ملعب أصيل إن كنت رح كون الأصالي

أذا كنت الصعب رح كون أصعب يميني هون ما بترحم شمالي

وإذا كنت الفصل رح كون أرحب وأبعد منك و أوسع مجالي

القمر أخر طلاله بليل متعب عأول ظل من أول ظلالي

إذا كنت البحر إياك تغضب البحر مش قد موجه من خيالي

وإذا كنت السفر رح كون مركب وإذا كنت السهر عمري ليالي

إذا كنت العتم رح كون كوكب وتاج إن كنت رح كون اللآلي

إذا مهذب أنا شاعر مهذب إذا عالي أنا ع الشمس عالي

حلفتلك بلبنان المعذب وبجمهوري القاعد يسهر قبالي

أنا من بيت لبناني مأدب إذا جرحتك بكلمه مش أديبه

كأني بالفرد قوست حالي

***************

أنا شاعر يا موسى مش مغني ببكي لو جرح بإن أني

الشعر عندي مش قراية جريدي الشعر نهده طويله الشعر عني

قتلني الشعر عالورد النبيدي دفني بزر غطاني بحني

رجعت فتقت هالزر بنهيدي ت منو شالني النحل المجني

رجع ليي ال دفني بيوم عيدي لقاني رحت من جني لجني

تيغفى عأثر شعري ونشيدي دفن حاله بمطرح ما دفني

يا موسى بتسأل الكلمه الفريدي تيحكيلك صباها البكر عني

أنا ربي عجن فيي القصيدي وتخلدها رجع فيها عجني

إجا للمنبر مواسم عديدي فطاحل شعر بعرف مين هني

إذا بسكت بغنو من رصيدي وما بغنو إذا بلشت غني

حظهن بالسما الزرقا البعيدي ال غنو قبل مني بصغر سني

ولو غني بخفقات الجديدي قبل القبل مني شعر غنو

شو كانو رح يغنو قبل مني

****************

وع حفلتنا يا جايين بحراره بعبير الشع ر بحكي هالعباره

لا تحكو باللأماره الموساويه قبل ما تعملو حساب الخساره

الإماره الشاعريه مش هديه بتجي من الزائر ال جاي زياره

ولا بسهره طويله عاطفيه بتجي للشاعر بعطر الأثاره

وتنحسبها سوا ره للصبيه مهما تكون مشغوله بشطاره

سوا ره ما بتعمل إيد هيه هي الإيد ال بتعمل سوا ره

الأماره بالقصيده الفلسفيه كتبها الشاعر بعطر العذا ره

بخذها بشعر مش بالهويه وبعمل دولتي لإم الحضاره

وزيره عطرها بنسمه طريه سفيره نحلها الزهره سفاره

وفلاحين هالأرض الوفيه نوابي وكراسيهم حجاره

ونطامي ردة معنى قويه زماني خمر أيامي سكاره

وغرام شفاف شفتها شهيه شفه معصره شفه عصاره

كلامي دموع من شلال ميه دمعه سقسقه دمعه نظاره

أهلي زهور بيتي مزهريه نسيمي عدل من طفل المغاره

إمي المعرفه الوجدان بيه سما لبنان ستي الأختياره

وطهارة قلب تجمعنا سويه ت مره شوف بالدوله طهاره

وأنا إلها أمير الشاعريه وشاعر عالمنابر لا يجاره

بدي تشهدو الليله عليه أمير الشعر يما بكون وحدي

يا بقضي عالأمير وعالأماره

*****************

أبو ربيع موسى:

إنتحر يا ليل عسطيحة نهاري ضميرك ما قدر يحمل سراري

وبرقك عتم رعدك صمت مطبق وبسطك ضيقين على مداري

أنا الأول أنا ما كنت ملحق رغم ما البعض حبو إختباري

وعطوني بالمصاري مجد مطلق أخذت المجد وشلحت المصاري

وعشباكي ما بزرع شلح زنبق إذا في شوك عشباك جاري

وما بحلم إلبس الطقم المعرق إذا بعرف طفل بالهند عاري

فتحت باب التباري ال كان مغلق وطلبت نسور تنزل من عياري

ةصارو يهجمو سمامن ومطوق ودعاويق وزرازير ودواري

ويا إبن حمدان كنت عليك إشفق تما تكسر قزازك عحجاري

وبعدك على بوابي عم تدقدق هلكت ربي وقلت بدك تباري

ولاحقني مثل قرقور أحمق بقلب الغاب لاحق ذيب ضاري

ما كان بدي معي تغامر وتعلق وأنا موسى بإيدي سيف ناري

وإلي من فراق بو روكز لهلق بقطش روس شعار المنابر

تسد طواق مملكة التباري

****************

سمعت منك كلام بصوت عالي هرب منك أمير الأرتجالي

ما إنت بلهبة شهور الحصايد خيالي وكيف بهرب من خيالي

ما باريتك لأنه لي عوايد خلي الزلحفه وطارد غزالي

وبمعركة بورصة شعر القصايد كنت كب الرخيص وبيع غالي

وكنت صياد ماهر والطرايد يطيرو رفوف ويغطو قبالي

إذا دورك تأخر لا تزايد لأني إنطرت تخلصو البواشق

ورحت فتش على طيور الليالي

*******************

إنزلي يا ملكة الريح إسجديلي على باب المهمات المستحيلي

إلي شهر على سلم نار إطلع يا بخلع ذرفتو يا بتفتحيلي

أنا الرعد ال بصمت الغيم بزرع ضجيج النصر والنجمه دليلي

وإذا بدي ثياب الليل تولع بشرقط برق وبروح بسبيلي

يا إبن حمدان يا شاعر مدلع كبرت وبعدك بذات المكيلي

لا تجرحني أنا الشاعر المرجع لجيلي وقبل جيلي وبعد جيلي

وإذا بمجد الزغيبي عم بتطمع إنتظرلك ألف عام على القليلي

وتتربع بمطرح ما تربع قبل ما يموت عدقنك طويلي

طلعتك ورائي بظرف مروع عسرج الخيل وعملتك زميلي

تهدى بمشلحي إياك تجرح لأني بسقطك بالفحص بكرى

إذا ما بقيت عسرج الأصيلي

*****************

أوقفي يا دهور عمفرق زماني أعصري الأيام تمات وثواني

أنا شاعر جروحي ملك يدي بدال الدم عم تنزف معاني

بهيك ليل يا حمدان بدي قلك لا تفرط بالأماني

وقت ما تجمعو الأقطاب ضدي كنت بعدك عكراسي الحضاني

ولما كبرت طلعتك لحدي تطعم رجفتك من عنفواني

طلعت غضار مش قادر تهدي وعبث تتطعم من السندياني

التحدي بحجمك وأكبر مودي عمنبر هالعنيد الكسرواني

ولأنه لكل صخره في مهدي حرقت شموعهن عشمعداني

ال مثلك إنت يمكن كل مدي يروح ويرجع بثورة غناني

لكن عمنبر كفوف التحدي قبل ما يختيرو أرزات الله

ما رح بشوف موسى زغيب ثاني

********************

قفو عملاق عجبال المآسي شعرو حبال وجفونو مراسي

صرخت إركع مثل الطفل دبدب وقرب شافني بعرق وحماسي

وراح يخبر العالم ومعجب في شعرا ترأسو منبر أساسي

وفي شعرا عيهن المنبر معذب كراسي وقاعدين على كراسي

ويا بو شادي نصيحه حاج تتعب وتشكي طالما ليلك تعاسي

وبسوق جواهر الشعر المذهب ما رح تقدر تسوق هالنحاسي

ومن طوفان موسى ال ما بينضب ما رح تقدر تغطيك الشماسي

لأنك طفل قاصر عم بتلعب إجا يزق البحيره بالطواسي

وكيف بدك يا طفل بهيك ملعب بعد تنسب قياسك عقياسي

ما زالك كل ما بتمشي بموكب بقوس النصر ما بدق راسك

وأنا بقوس القزح بدق راسي

*****************

عني إسأل فقرا والمناره أنا بهالفن سيد من تبارى

وإلي بدروزكن أنصار أكثر ما عندي بين أسلام ونصارى

لا تمزح مع أسد غافي مختير عتيق شواربو مشانق سكارى

وقص شوارب السبع الغضنفر خطر مثل اللغومه بالحجاره

ويا شيخ حبيش حتى الشعر يكبر بيلزم له إماره مش وزاره

ومثل ما النحل بدو مرج أخضر ومثل ما الصومعه بدها طهاره

الإماره بدها عملاق أسمر يكون من الفتوه والحرا ره

إن صفع خد الحجر عتلال صوفر يفيقو الغافين بعين داره

ويا رفقاتي ال هجرتو هيك منبر وصرتو بسما عذرا العذارى

إذا الأيمان فيكن ما تغير وإذا عالشعر ما زلتو غيارى

عصرت المدفع والله أكبر إنزلو من عند الله لعند موسى

خذو حمدان وإعطوني الأماره

*******************

طليع:

المطلع:

يا موسى إن كنك جبار ولع نار ولاقيني

بولع نار بطفي نار وما في نلر تطفيني

الدور:

لو بلمس ثلج بها لإيد جمر بيولع بعد اللمس

بهمس همس بشعر جديد الليل بيوعى بيحكي همس

حوشت الفجر عناقيد هي وعم تغيب الشمس

عصرت الشمس الحمرا نبيد البحر عملتو قنيني

موسى:

الدور:

يا جاي تمسح ماضيك وتغفى عمخدات النار

منك موسى ولا رح فيك تشق الموجه و الإعصار

إتركلي بحر الأطلنطيك وشفلك قنينه وإسكار

أمر القنينه بيعنيك وأمر البحر بيعنيني

طليع:

الدور:

عطر القنينه المسجون أمره بيعني كل الناس

وقنينه بزهر اللمون بتنعوش قلب الحساس

وقنينه خمر المخزون عملت عظمة بو النواس

وقنينه بزيت النيرون نقطه منها بتكفيني



يا موسى البحر المسجون ياما بموجو غرق ناس

بس القنينه بتمون عالشفه تغرق بالكاس

موسى

الدور:

قنينة كرمة أيلول تركها تركناها قبلك

وأمن من نيرون وصول رجوع التوبه أنسبلك

وتعمد عن يدي وقول جيبولي حتى نجبلك

خوري وشبيه ومريول وشمعه لعيد الشعنيني



مهما تعلي عالمجهول وتربط عالنجمه حبلك

بردك وقت ال بدي نزول ومني حسابك حاسبلك



طليع الدور:

كعكه وبرينطه ومريول فيهن ما بتعمل إنسان

الإنسان بقلبو مقبول وقلبي أمن بالصلبان

آمن مثلي إحني وقول المسلم خيي بالإيمان

ولبنان بيبقى عطول إن ظلو دينك مع ديني



إتعمدت بعقلي المسوؤل تشعننت بصوت الوجدان

وشايف هالجو المجهول برينطه صغيره لحمدان



موسى الدور:

المشكل مش بالطائفتين ولا بثلاثه يا حمدان

المشكل بال لبسو وجهين وضحكو علينا وعلبنان

بدي يتفقو الأخيين ويتعضو بفرق الإيمان

كان بين المصلوب وبين الشانق حالو عال



.

_________________
..
( اذا تحول كل شيء ضدك وظل الله معك
فكن مع الله ولا تبالي يكن كل شيء معك )).

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abosamer1953.yoo7.com
 
زجل لبناني...حفلة جمعت الشاعرين محمد المصطفى (السيد) وزين شعيب, وكان موضوع التحدي (الأخذ والرد).
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بسمة أمل فلسطين :: أقسام منوعة :: المنتدى العام-
انتقل الى: