حاصرني من فوق الارض ..
تحت الارض....حتى الجبل سكر
اقصف وهاجم من علي...اضرب عظم كسر
افرد جناحين الغدر..
طور تفانين القتل....اقتل ولا تقصر
بس صهيوني مهما اعملت:
ما تقدر تركع شعب بالتحرير بيفكر
******************
وما تقدر تهدي بحر من خلقتو يهدر
وما تقدر تحاصر فكر فتحاوي متحضر
*** ** **
وما تقدر توقف نبض ...بركان مستنفر
** ****** *******
صهيوني /اسمعها نصيحه من الصبح ارحل
من غزه من ارض القدس....من يافا والكرمل
من جنين ومن دوه وصفد...من عكا والمجدل
من كل شبر في هالارض من كل شبر محتل
***************
مهدور دمك للشرب...من بلدي وفي كل درب
مطلوب جيشك للسلخ في كل درب توصل
احنا درسنا المرحله....احنا عرفنا الحل
*** *** ***
حل اللغز.....ما هو لغز
باب السجن....ما هو سجن
جوى الكفن...ما في كفن
*** *** ***
وهاي القدس وعد السما
وغزه..والضفه..مش كل الوطن
**** **** ****
النا النهر...والنا البحر
وكل رمله من ارضي وطن
***** ***** ***
كل شجره في ارضي وطن
وكل سوسنه بهذا الوطن
خنجر بيد المؤتمن
***** ****
وكل سنبله بهذا الحقل
رشاش مزروع بعقل
وكل ورده مغروسه بصدر
حريه مرسومه بامل
**** *** ***
وكل واحد بسجن العدو
زلزال يستنى العمل
*** *** ***
بركان قرب ينفجر
وطوفان قرب ينمطر
ثوره ولاعدائي قبر
*** *** ***
وكل دمعه تدمعها بنت
شلال بارود وزفر
** ** **
وكل شاب اغتالو العدو
ثارو مع شروق الصبح
** ** **
واللي يخونك يا لوطن.....بكره اكيد.....( بينفضح)
بكره اكيد.....( بينفضح)
**** *** ****
ياهالوطن انت البحر
يا هالبحر احنا الملح
يا اجمل اوراق القدر
احنا المراهم للجرح
** *** ***
يا اجمل اصناف الامل
احنا الفجر...احنا الصبح
******** ******
من دمعنا يسيل النبع
ومن قلبنا يشيل السبع
**** *****
النا الشفاعه محققه
جيران فردوس وفرح
*****************
شو احلى من حب الوطن
شو احلى من جنة عدن
حاصرني..حاصرني فجر جثتي
ما مات عاشق هالوطن
**** *****
غاية اماني مهجتي
تاج الشهاده بهالوطن
.... ..... ....
هذا الوطن باب السما
هذا الوطن حبو نما
في اللروح للروح انتمى
......................,........قللي يا مستوطن اذن
مين اللي متحاصر اذن
ومين اللي مجبور الكسر
ومين اللي مشفوع بجرح
ومين اللي باقي بهالوطن
مين اللي مرفوع العلم
** * * * * * * * * *
* * * * * * * * * *هذه القصيده قراتها في حفل التابين في اليوم
الاربعين لاستشهاد ولدي/ الشهيد احمد صابر عباهره
رحمه الله ورحم جميع شهداء الوطن
مع تحياتي لابناء شعبي الفلسطيني والامة العربيه المجيده
ابو سامر عباهره
-
-
-
موضوع: قصيدة الصمود والتحدي / صابر عباهره 