ملطوش منقول مسروق / بقلم صابر عباهره ..ابو سامر ...اليامون

لمن يسرقون المواضيع من النت ويوقعو تحتها باسمهم

.
ملطوش ملاطيش
خبز ومناقيش
وقا ل له : وين ساكن
قال :
بشارع كيش نمره مفيش
دخلنا النت ولطشنا والتطشنا
وختم تحته على قولة شذا ....بقلمي...!!!!
القصد فلمي ...ممكن حلمي
وما بعرف انا بنفلي النمله
واللي بفلي النمله بعرف كيف يفلي ويبحث بالنت
ويكتشف شو بيحذف بلاوي وبيزت
والمشكله مش بس لطش المواضيع
وانما الردود
يعني لاقول لك شكرا موضوعك جميل
سلمت يداك
لأ ما عجبهم هالشي حتى الردود لطشوها
وتفاخرو واتمخترو
وصارو الشاطرين كتاب
بالمطعم بياكلو كباب معه ميونيز وكاتشاب
وان سألته او سألتها بتشتغل ايه
برفع كتافه لفوق
مع بسمه ساخره
أوف ما بتعرف
الله انا الشاعر
انا الكاتب
انا اللي عبى الدفاتر
وعمل دواوين
ومش عارف يبيعهم وين
يا عمي سيبك سيبك
حرام نسخ لصق وتعبت ايدك
.
والاحسن من هذا كله
صار في ناس بتقتبس موضوع كامل
وتحت الاقتباس لا تعليق ابدا
يكتب فقط .... اسمه
.
.
يعني اللي بمر بفكر هو الكاتب
لانه ما علق ولا كتب
فاستغفل الموجودين
واستغفل كاتب الموضوع
وسجله باسمه
..
وانظر انظر يا سلام
انظر عبدر التمام
اننظر على بدريه
والكحله بعينها اوقيه
.
وان قلت له يا اخي منقول
بزعل على طول
وبهز الارض عرض وطول
وبكشف عن عضله المفتول
وبتصل بصاحبه المأمول
وبتصير قصه
والكل بطلع عالمنصه
المغني بغني
والطبال بطبل
والزمار بيضرب عاليرغول
وبكثرو العزيفه
وياما تشوف رقيصه
لانها صارت هيصه
وصاحب العرس بيتدخل
وبصير يمشي ويتحنجل
حامل بايده منجل
واللي بحضر السوق بتسوق
اقرأ اخي ولا تتعجب
فعلا دنيا العجايب
قلت فيها الحبايب
يا ما فيها مصايب
.
انتهيت..
وما انهيت ...!!!
.
.
ابو سامر عباهره
.

.
ز

» كلمات للاقصى والوطن بيوم الحصار... بقلم صابر عباهره..ابو سامر
» الرجل والمرأه...... بقلم / صابر الحاج محمود عباهره..اليامون
» قلوب العذارى ... بقلم صابر الحاج محمود عباهره ..ابو سامر
» الذكرى الخامسه لشهداء اليامون الخمسه
» الحياة ملونة بالوان الطيف واكثر ..بقلم صابر عباهره / ابو سامر