قصيدة عتاب لمن يهمه ألأمر..؟!!

قصيدة عتاب

عتاب

ليه امشى حافى ،وانا منبت مراكبكم
ليه فرشى عريان،وانا منجّد مراتبكم
ليه بيتى خربان ،وانا نجّار دواليبكم
هى كده قسمتى؟
الله يحاسبكم..!!.!! الله يحاسبكم

ساكنين علالى العتب،وانا اللى بانيها
فارشين مفارش قصب،ناسج حواشيها
قانيين سواقى دهب،ونا اللى ادور فيها
يارب ماهوش حسد
لكن بعاتبكم

من الصباح للمسا،والمطرقه ف ايدى
صابر على دى الاسا ! حتى نهار عيدى
ابن السبيل انكسى ، واسحب هرابيدى
تتعروا من مشيتى
واخجل اخاطبكم

ليه تهدمونى وناللى عزكم بانى
انا اللى فوق جسمكم قطنى وكتانى
عيلتى فى يوم دفنتى مالقيتش اكفانى
حتى الاسيّه وانا راحل وسايبكم؟

>.
>.
>.
.

» قصيدة الوطن | عمر الفرا.....الفرا , الوطن , عمر , قصيدة..اليامون..جنين..فلسطين..الشهداء..
» همسة عتاب / للشاعر لطفي الياسيني
» قصيدة كيد النساء
» قصيدة تهاني لتونس بنصر الثوره
» قصيدة تخيلو